شعر قاسـم هنـدي السمـاوي بمناسبة المبعث النبوي

{الرسالة الأحمدية}
*********
بالرسـالة الأحمديـه * حـﮔـنه نفخر هالمسـيه
رحمة الباري علـينه * بمبعث الهادي نبيـنه
بالرسالـه الأحمديه بالرساله الأحمديـه
(1)
بالظلام الناس چـانت غارﮔـه بحر الجهـل
تعبد الآة وتحبه وتعبـد العزه وهـبل
ومنهـه للأصنـام تنطي فلذت اكباد وأهل
ولن وميض الـحـگ يدّوي يصرخ بصوت الأمل
من نبينه المصطفى * مشعل الجهل أنطفه
وشعشع النور الآهي عالعقـول الجوهريه
بالرساله الأحمديه
(2)
100 رب تـﮔـول واكثر تعبد الآف البشر
من تمر رب التعبده لو خشب لو من حجر
وناس تعبد عن قناعه انهار ونجوم وشجر
وتكتل أطفال البريئه بالؤد عدكم خبـر
وچـانت بهذا الوضع * عايشه ذيج الربع
ولن رسول الله نقذهه من الحياة الجاهليه
بالرساله الأحمديه
(3)
أحنه وين بيا زويه لون مو طـه الرسول
الأجه بالدين السماوي وانتشـل ذيـچ العقول
وبين احكامه ونظامه بالفروع وبالأصـول
وأشعل اقمار الهدايه الما يلازمهه الأفـول
علم دين الله ورسوله * من فروعه ومن اصوله
التزم هو اليقودك للحياة الأبديـه
بالرساله الأحمديه
(4)
رحمة الباري العباده من بعث بيهه النبي
منهه بيهه ومن حـچـيهه ومو غريب واجنبي
والكتاب القدسي منه باللســان العربي
چـالسراج ونوره ضاوي وللأبد ما ينطفي
ضاوي لصحاب الهدايه * من البدايه وللنهايه
ويضل مشرق للأبد من الأقمار الهاشميه
بالرساله الأحمديه
(5)
دينه دين الكرامه ديـنه دين الحياة
دين للأخلاق مبدأ دين مركب للنجاة
دين مايقبل الذله ويرفض الكل الطغاة
دين من النور مشعل ينور ابدرب الاباة
دينه الكل البشـر * يضل خالد بالدهـر
والمجد ميعاده ﮔـرب بالقياده المهدويه
بالرساله الأحمديه
(6)
النصيحه اتكون احله لو اجت مسك الختام
هاك اخذ لـب الأمور وستمع خير الكلام
امشي وي دينك ونهجك توصل البر السلام
وبالك الدنيه تغرك وتغرگ بحر الحـرام
والأمور اموضحه * تضوي چـن شمس الضحه
وبالك بدينك تفرط الك من ربك هديه
بالرساله الأحمديه
************