الليله وافتها المنيه -- ويلي واويلاه
--
فاطمه ودعت عمرها راحت الدمعه ابجفنها
عاشت ابلوعه ومصايب كثره ماتنعد محنها
أمصيبه فوگ أمصيبه شافت والمصايب والفنها
سوده الايام الگظتها والحزن مامال عنها
حملت الظيم وأذيه -- ويلي واويلاه
ويلي عالزهره الزجيه -- ويلي واويلاه
--
بويه بجروح الليالي جيتك البيها عفتني
جيتك الدمعه اعله خدي لا أبد مافارگتني
شده لو راحت تجيني أصعب الشده الاجتني
حتى دمعة عيني بويه جمره عالخد ألمتني
بس حزن يالهادي بيّه -- ويلي واويلاه
ويلي عالزهره الزجيه -- ويلي واويلاه
----
يارسول الله ابوجودك آنه أتباها أبدلالي
بضعه منك ونته يمي رغده بعيوني الليالي
مابچت فد يوم عيني لاحزن مرّ أعله بالي
عاين الوجهي تشاهد صفرة الظيم اعله حالي
ماشفت ليله هنيه -- ويلي واويلاه
ويلي عالزهره الزجيه -- ويلي واويلاه
----
بويه شحچيلك مآسي من غفت عينك عليّه
أوديعتك من ودعتني لأمتك وصيت بيّه
چانوا ايشوفون بويه أشفافك أتقبل أديه
مني سلبوها نحلتي المنك ألچانت هديه
بالوسف أصفگ بديه -- ويلي واويلاه
ويلي عالزهره الزجيه -- ويلي واويلاه
--
بويه دار احزان عندي عگبك وانصب مناحه
لو أجه الليل ابدمعها اعيوني تتنطر صباحه
ماشفت ساعه هنيه ماعشت فد لحظه راحه
بالصدر حسراتي تچوي والگلب اتنزف جراحه
صعبه كل ليله عليه -- ويلي واويلاه
ويلي عالزهره الزجيه -- ويلي واويلاه
--
زينب أويه حسين ظلت والحسن وحسين بالهم
شافوا الضلع التكسر والصدر من ينزف الدم
ياهو يرعاهم يبويه ونته بيهم بويه تعلم
من عگب عيني عليهم هالمصايب كلها تلتم
شر عليهم من أميه -- ويلي واويلاه
ويلي عالزهره الزجيه -- ويلي واويلاه
--
ياعلي يمحير اعقول البشر
شلون بوجودك على الزهره جسر
--
ياعلي يالبيك كل الغانمه
شلون بوجودك انهظمت فاطمه
عجب كل العجب ياحامي الحمه
گلبك اعله الزهره ياحيدر صبر
---
صبر گلبك ياعلي ولله عجب
ونته سيفك لوغضب يمطر غضب
حگها أم حسين وجهتلك عتب
گوم يابا الحسن مو ضلعي انكسر
--
ناحت ابصوت الظليمه ياعلي
ضلع مني انكسر شوفه يالولي
عندك أمودعه يحيدر وأنولي
الظيم بوجودك أشوفه والقهر
---
أشتكي هالأمر للواحد أحد
ياعلي اشتنتظر هظموني بعد
ونته حلال المشاكل والشدد
وسيفك المايوم بالكلفه اعتذر
--
هاي جسره المامثلها هالجرت
باب وحي ألله يحيدر وجرت
ومنها ضلعين الزجيه اتكسرت
وسف كل الوسف يافارس نظر
---
گوم يا با الحسن عالعايل دگوم
شلون داسوا دارك وسووا هجوم
الموت عالزهره يبو الحمله يحوم
مابعد من الضلع زال الخطر
---
ياعلي كسر الضلع -- بعينك ايفجر الدمع
اشلون ترضه يبو حسين -- من شفت طاح الجنين
ياعلي هاليله تبچي عينك المايوم دمعت
رفرفت عالزهره روحك تدري بالزهره تروعت
أوديعه عندك من محمد هيه ليك الليله ودعت
حگها روحك يالصميده للحزن والونه خضعت
ردن أيام المظن -- بالحز يابا الحسن
ويحرگ ابروحك أنين -- من شفت طاح الجنين
--
ياعلي أعيون الزجيه اشلون بيدك غمضتها
گلبك أشيحمل يحيدرالفاطمه من غسلتها
ضلع لوضلعين منها أمكسره لمن شفتها
والمصيبه اعليك اعظم ياعلي من ودعتها
الفاطمه من ودعت -- دمعة العين أهملت
تبقه عالزهره حزين -- من شفت طاح الجنين
---
رده نعش الزهره رده وين بالظلمه يحيدر
عله افراش الموت وسفه اتشاهد الزهره متگدر
للصبح اصبر يحيدر بلچي جد حسين يحضر
ايشاهد الدمعه ابجفنها ايشاهد الضلع التكسر
لونظر هذا الفعل -- حتما اعيونه تهل
وينعه جبريل الامين -- من شفت طاح الجنين
--
فاطمه وصت يحيدر بالوصيه انته ادره
گالت الگبري ايردك ياعلي ابظلمه تحفره
حتى للتشييع منهم ماأود واحد يحضره
أرد أروح وأشكي حالي للنبي وبصدري عبره
اشكي حالي والهظم -- وأشكي من أمته الظلم
عگبك أبليه معين -- من شفت طاح الجنين
--
ياذنب يالزهره عدنه وگبرچ اتضيعيه علينه
حبچ وماغيره هالحب هالذنب يالزهره بينه
وظلت أگلوب التودچ للوكت تنزف حزينه
تنشد أتراب البقيع أتگله گبر الزهره وينه
ابشيعتچ ماظل صبر -- أعيلنه ضيعتي الگبر
نبقه يالزهره بحنين -- من شفت طاح الجنين
--
لجلچ السبع الشداد انرفعت وبيها الكواكب
ونتي سر الباري الاعظم ونتي اسرار الغياهب
وكرمّچ خير النساء ورتبتچ اعله المراتب
ابحبچ الباري يثيب وبيچ يالزهره يعاقب
طاعتچ واجب أمر -- مصحف الباري يقر
واضح القول المبين -- من شفت طاح الجنين
عسى انشلت يمينك يالشعلت النار
لاتدفع الباب أم الحسن بالدار
---
لاتدفع الباب انشلت ايمينك
اشگد وكحه وصليفه يالقذر عينك
هاي أم الحسن هيه شرف دينك
لوغضبت عليكم يغضب الجبار
--
لاتدفع الباب اشلون تدفعها
وصرخت فاطمه وجبريل يسمعها
مو آيات ربك ليش تفجعها
وأهتز العرش هذا الفعل من صار
--
ياچف الخيانه اللي جسر عالباب
وضلع قرآن الله بالكسر ينصاب
والتورات لبست للحزن جلباب
والانجيل دمعه الفاطمه مدرار
--
ياهو اللي سمحلك أنته وأصحابك
يا أفعى وتبث أسموم أنيابك
لبست أمن السقيفه الحقد جلبابك
أنته وصحبتك روعتوا للاخيار
---
الف لعنه عليكم واليتابعكم
يانطفة حرام انتو ومراضعكم
مو وصه النبي وسمعت مسامعكم
امير اينصبه اعليكم علي الكرار
--
من يوم الغدير أحقاد مدفونه
وبضلع الزجيه ايصير مضمونه
هند أمكم عتب شيفيد ملعونه
حطب اتو الجهنم تروي هالاخبار
الشاعر عدنان الحمامي

أضف تعليق