ییمه وحدی عفتینی
ییمه وحدی عفتینی..ییمه دهری سابینی
وحیده بلا ولی یاناس...فگت حسین والعباس
ییمه دهری سابینی
===== 1 =====
وحیده وما الی والی ارید اشکیلچ احزانی
حبیبی حسین راح الیوم یتیمه یمه خلانی
وگمر هاشم یجیب المای راح ویمه ماجانی
ومن سمعت عویلی اعدای حرگت یمه صیوانی
اجونه وهجمو اعلینه...ولا واحد رحم بینه
وحیده بلا ولی یاناس ..فگت حسین والعباس

===== 2 =====

الدهر خلانی یایمه بلا ولیان متحیره
مره انظر عالعباس ومره حسین والنحره
ومره اتوقع من الناس ترحمنی ولو مره
گلبها قاسی های الناس وابد ماترحم العبره
شسوی یمه حاچینی... اگعدی یمی واسینی
وحیده ابلا ولی یاناس ...فگت حسین والعباس
===== 3 =====
ییمه محنتی محنه ولا واحد رحم بینه
وفوگ القتل والتسلیب داسو جثت اولینه
بالخیل اعله جثت حسین های اصعب مااسینه
شگولون یمه ماادری وهذا الامر یاذینه
حرت یایمه دلینی....غریبه لاتخلینی
وحیده بلا ولی یاناس..فگت حسین والعباس
===== 4 =====
ییمه شرد اسولفلچ قهر لو ارد اوصفهم
وحق الحق هذوله الناس ذرة رحم ماعدهم
صحت بیهم گلت یاگوم نبینه جدی لو جدکم
بلا وجدان ولا احساس ولا امصابی یحرکهم
اوجه امری للباری...یمن بمصیبتی داری
وحیده ابلا ولی یاناس...فگت حسین والعباس
==== 5 =====
ییمه وهذا واقعهم مثل ماوالدی خبر
وصدگ لو گالو التاریخ یعید ونفسه یتکرر
عدهم کل عدل مگلوب والمعروف چالمنکر
ویریت الشیعه یکتشفون ویفضحون اهل الشر
حرت والدمعه تاذینی...ییمه الدهر لاوینی
وحیده ابلا ولی یاناس...فگت حسین والعباس

==== 6 =====

حرت والدمعه تاذینی ارید الثار یهل الثار
والمهدی اضن داری علینه اشسوت الاشرار
نفس هالگوم غظبو فاطمه بنت النبی المختار
تبقه یمک اولیدی لو غایب تضل لو تسحب البتار
حشاک انته تخیبنی ...ارید انته التفرحنی
وحیده ابلا ولی یاناس ...فگت حسین والعباس
تمت والحمد لله
تقبلوها من اخوکم الذی اطال علیکم وتعبکم بقصته
وقصیدته بارک الله بکم واسئل الله بحق آل محمد ص ان یجعلنا من المتمسکین به آل محمد ص
تقبلو تحیه طیبه من اخوکم ابن الطف
علی طمه الکربلائی

أضف تعليق