من اطهر رحم علظلمه شع بدره
غسل ذاك الصخام الاسود ابفجره
شفاف الحور ترسم ضحكة القران
وابو سفيان يرسم ضحكته الصفره
تشيله اچفوف نور وتطگ جنح الليل
يتحزم طفل بعمامته الخضره
يگص آخر وريد بركبة التاريخ
وبنعاله الكريم ايدوسه من ظهره
!!!!!!!!!!!!!!!!!!!
بعد ولى الجهل واليوم مبعث نور
بين المارضت يعلن ضوه الثوره
محمد والرساله وفشلة الشيطان
واجلاف الحجاز التعبد الصخره
صاحت آمنه وچف الجليل ايلوح
طفه نار المجوس وهدم فََي كسره
!!!!!!!!!!!!!!!!!
ذلت كل قريش وطاح آخر ثوب
من ظلت عرايه الكافره الزفره
ريج الخوف يبلع ذمته ابسفيان
جاهك راح جاهك وامرك اتخسره
قوافلكم اجت ويجرها ذل العار
تعناها البدر لاينتشر امره
روج بروج هدها اخيول تلوه اخيول
وكل ناكه بلعين محمله بخمره
واحد چان احمد والجمع لاكاه
والف نعثل ترد بسيوفها الوشره
!!!!!!!!!!!!!!!!!!!!!!!!
بروج الدم عبر وتلاكه ويه الموت
وخراطيم العرب تتكطع ابشفره
جر السيف چن الدنيا جرت سيف
مكبل والسهام تلاكت ابصدره
علي يسولف علي وماغير ابو الحسنين
اذا يحمى الوطيس انلاوذ بكتره
!!!!!!!!!!!!!!!!!!!!!!!
تلولح راس عتبه وشيبه ذاك اليوم
بس ضمت حقدها الفاجره الجسره
ضمتها اباحد وبحمزه صار الثار
كلت چبده ونخب سفيان من نحره
عصر كلبه الرحيم وطاف امره الناس
رغما عالانوف اليابسه الكشره
حته ابسكتته ايسولف مليك اوياه
خله ابصفنته القران والعتره
ارتقى ابامر الاله وعرج لمحة طيف
وصل يمه ورجع بالمعجره الكبره
رجع بمر الامامه وبهل بيته وبيه
غصبن علرضو والمارضو بأمره
محمد رحمه والرحمه احتمت بحماه
ساوه الناس بيها العبده والحره
