ـــــــــــــــــــــــــــــ
كريم الحاج فليـح
ونسألكم الدعـــاء
شــكال هادينـه النبي * شـكال الأميــــــن
حسيـن مني حسيـــن * وأنه من حُسيـــن
ـــــــــــــــــــــــ
يحظن حسين ويشمه بمنحــره * منـه كال العتره كلهه الطاهــره
عالثريه شان اله وفوك الثــره * واليبغضه يبغضه رب العالمين
حسين من حسين.. وأنه من حُسين
ـــــــــــــــــــــ
وكال هادينه النبي حسين الشفيع* من أحب حسين حبـه ما يضيع
هوَ واسطته لَعد ربـه السمـــيـــع * هـذا أبن فاطم وأمير المؤمنيـن
حسين من حسين .. وأنه من حُسين
ـــــــــــــــــــــــ
حسين أبني وهوَ سيد للشباب * بالجنـان وتربته أطهـر تـراب
هذا منقذ شيعته بيوم العذاب * حين لا مال اليفيد ولا بنيـــــن
حسين من حسين ..وأنه من حُسين
ــــــــــــــــــــــــ
حسين أبني واليتبعه ما يحير * للموالي بالكبر صاحب يصيــر
هناك لومنكر يحضره لو نكير* وعينه عل يسره تدير وعاليميـــن
حسين من حسين .. وأنه من حُسين
ـــــــــــــــــــــــــــ
حسين حظن الدافي والحب الحنان * والسفينه توصلك البر الأمـان
حسين حبل الله المتين بكل زمان * حسين درب المؤمنين المتقين
حسين من حسين .. وأنه من حُسين
ـــــــــــــــــــــــــــ
حسين مدرسة الشجاعه والأباء * حسين مدرسة الصبر عند البلاء
حسين أبو السجاد سيد الشهداء * حسين ثوره بكل عصرعالظالمين
حسين من حسين ..وأنه من حُسين
