كريم الحاج فليح
حبك يحسين مجننــــه * كل ما نطشـر رَد لَمنــــه
خلي العالـم يعـرف زيــن
نموت ونحيه بحب حسين
والما سامع خل يسمعنـــه
ــــــــــــــــــ
حبك شمسَوّي بهالوادم * عامي مسودن بيك وعالم
ياهو تسأله بهذا العالــم * لحسين يكول أنه الخــادم
والهالخدمه نشد الحيـل
يالجان يخدمك جبريـل
ما ضعنه بحبك ما ضعنه * كل ما نطشـر رَد لمنــــه
ـــــــــــــــــــــ
أقسـم بالباري وقرأنــه * ناس البغضتك خســـرانه
والله يعذبهـه بنيرانــــه * وناس الوالتك فـرحـانـــه
بفردوس وروح وريحان
وبجَنــة سيــــد الشبــــان
وبحبلك أحنه تمسكنـه * كل ما نطشر رَد لمنــــــه
ـــــــــــــــــــــ
أنت الحق وأنت الأيمان * وأنت العايش بالوجــــدان
يا نعمه أنــت منالمنــان * البيك تمســك ما خســـران
ويالأسمك بكلوب الناس
ويالحبــك لا ما ينقـــاس
يا مقياس يقيس الجنه * كل ما نطشر رَد لمنـــــه
ـــــــــــــــــــــــــ
بميلادك يابو الأحرار * غنـه الطير العل أشجـــار
وعزفت أوتـار الأنهار * وطََفا الخازن بيده النــــار
وفطرس رَدَلَّه الجنحين
وتحرر من ناده حسين
وتحرر من هَمه وسجنه * كل ما نطشر رَد لمنـــــه
ــــــــــــــــــــــــ
ها يالمن فاضل طينتكم * مولاي أنخلقت شيعتكــــم
ونجنت يحسين بحبــكم * وتمسكة للموت بودكـــــم
والمركب مولاي حسين
أسرع مركب للناجيـــن
وبهالمركب أحنه ركبنه * كل ما نطشر رَد لَمنــــه
ــــــــــــــــــــــــ
هاي الجنه وذيـــج النار * ويا بن آدم أنت ختـار
لوبس نار وخزي وعار * لـو جتَّــت أبن الكرار
لو كلبك يسطع بالنــور
لو يقبـع بحقاد وجـــور
وأحنه ختارينه اليسعدنه * كل ما نطشر رَد لمنـه
ــــــــــــــــــــــــ
بميلادك سجدت لنجوم * للباري الحــق القيــــوم
ضَوت ونزاحت لغيوم * ونادت أهلاً بالمظلــــوم
وللمولد سجدت لجبــــال
وتحمدت لله الهالحــال
وأحنه وياهن هم سجدنـه * كل ما نطشـر رَد لمنه