زنجيل ابوذيه مدور ]شعرد-كاظم جاسب المعقلي
__________________________________________________ __
هله بشعـبان عيده من هـــــلاله=
صفت دنياك والحب منهـــالاله=
بعد ماأهــل دمعتي منــــها لاله=
ولا أظم بالكلب حســــــره خفيه=
= لأن ابيوم ثالث صار من صـــــار
= الحسين وفرحت الاملاك من صار
= فرحنـــا الجان ذره اليوم من صار
= وكــــــمر بعد السبط هل هالمسيه
اله الدنيا اهتفــت والكون رابــــع=
علي صدور الـصكور البطل رابع=
اجــــه عبــاس هل بيوم رابـــــع=
نزل شابـــح نظر للـــــــهاشميه=
= لأن هـــــو الكفلها البـــطل بسمه
= التفت ليها اعلى ثغره تلوح بسمه
= حفل بــالأرض لجله وحفل بسمه
= تهني ام البــنين بهالمســــــــــيه
ابقدوم المااكو بالكون شبــــــها=
بهي وكلي من العبـــــاس شبها =
شفت يوم الطفــوف شلون شبها =
وكــف علنـــهر وأرعب آل اميه=
= مثل وكــــفة علي بزوده وجوده
= وهويته ابيمنته الرايــــه وجوده
= أمـان الكل بـــــني هاشم وجوده
= واذا اسمــه يمر ناخــــذ تحيـــه
واله استعداد نوكف حك علينــا =
حــــك أم البنين وحـــك عليــنا=
الولاده اليـــوم بيها حــك علينا=
على انجوم السما وفوك الثـــريا=
= ولو نجم السما ناصي بــــدا النا
= وكمرنا ابكــمر ما يخسف بدلنــا
= يكهـــوه اتهيلي وفــــوحي بدلنا
= ويفـــــنجان الفرح زغـــرد بديه
ويـــــديوان الموالي دير فنجان=
فن انس اللحــك عباس فن جان=
العكل منه توله فشــــت فانجن=
لان مثــله كمر لاماتــــــــهيه=
= كمل باربعه ومنه النور شع بان
= امتـــد منه اببدال الشعب شعبان
= يهل تنشد اشصار بشهر شعـبان
= ابثلاثه ورابع احســـين واخيــه
واجا بالخامس السجاد هلهـل=
اله المحراب يوم الصار هلهل=
اله اتعنه الحسين وصاح هلهل=
ودفك دمع الفرح بابن الزجيهد
= ولو دمعة حسين بذهب واكـبر
= اوياه صاحت الدنيا الله وآكبر
=اجاله علي بيوم اهدعش وأكـبر
=سليل اهل الرســــاله الأحمديه
سليل ومن هدى المختار مهـدي=
وهداه لحسين ربه وصار مهدي=
ويوم اخمسطعش هل نور مهدي=
لحـــد اليوم ساطع نور ضـــيه=