عبدالحسين خلف الدعمي

  اولايتـــــي ... أحلى مدينـــــه     
 
اولايتــــي أحلى مدينــه  ....... كربـــله
ابجيـــد هذا الزمن زينــه  ....... كربـــله
بيــها شمامـة نبينـه
            اوبيهـا أبو فاضل العينه
                      البعـد عنها  الله يعينـه
                      البعـد عنها  الله يعينـه
اولايتــــي أحلى مدينــه  ....... كربـــله
             ***               ***  
كــل مدن عالمنه هذا     من ثــراها   اتـكحلن
لبسن أحلى اثياب عدهن    هلـهـلن واتـزوكــن
كربـله  كالـن أميـره    اوما يشيبهــا  الزمـن
كربلـه أم المضــايف    بيت  للـماله وطـــن
كربلـه امكذلـه  تبقـه   اشــفاف دوم ايهلهـلن
بيــها شــمامـة نبينـه ......... كربـــله     
اوبيهـا أبـو فاضـل العـينه  ....... كربـــله     
اولايتــــي أحلى مدينــه  ....... كربـــله
            ***                     ***
أرواحنه يومـيه  يمهـا    اوعالمنـاير رفــرفـن
للدرابيـــن العتيكــه    حـن دليـلي اليوم حـن
لـمهات العبــي السود    البصحـن ايبســـملن
للفخــاتي البشــوارع   لــو مشـــن يتعثرن
اولو تصــد ليهن يغاتي   دنـكن  واتـــراجـفن
للكهـاوي  الديرة أهـلي   ذاب كلبــي  وانسـحن
تبقه هيــه ابعيني دنيه    من الفـرح جنـة عـدن
بيــها شــمامـة نبينـه ......... كربـــله     
اوبيهـا أبـو فاضـل العـينه  ....... كربـــله     
اولايتــــي أحلى مدينــه  ....... كربـــله
            ***                     ***
اشـكثر دورت آنه دنيـه     واحمـلت اشكـد شجن
ماشفت مثـل أهلي  والله     اولا حـلى ابعيني سكن
كربـله اليحضـن اترابج     أبـد متمـر بي محـن
كربـله محـروسه بالله     وبالنبـي وأبو الحسـن
بيــها شــمامـة نبينـه   ......... كربـــله     
اوبيهـا أبـو فاضـل العـينه    ....... كربـــله     
اولايتــــي أحلى مدينــه    ....... كربـــله
           
         ***                     ***
اولايتــــي أحلى مدينــه  ....... كربـــله
ابجيـــد هذا الزمن زينــه  ....... كربـــله
بيــها شمامـة نبينـه
            اوبيهـا أبو فاضل العينه
                      البعـد عنها  الله يعينـه
                      البعـد عنها  الله يعينـه
اولايتــــي أحلى مدينــه  ....... كربـــله

أضف تعليق