Cm.ax04252024

Son yeniləməÇr.ax, 29 Dek 2020 3pm

Burdasız: Əsas səhİfə

Bitkilərin faydaları

Baş tükü haqqında 10 hədis

 

“Saçı daramaq bəlğəmi aradan aparır”
1. İmam Kazim (ə) buyurur: “Başın tükü uzun olsa, gözün görmə qabiliyyəti zəifləyir və nuru gedir. Saçı qısaltmaq gözü işıqlandırır və onun nurunu artırır”. (“Mustətrəfatus-sərair”, s. 57, hədis 17. “Biharul-ənvar”, c. 76, səh 85, hədis 10)

2. İshaq ibn Əmmar deyir: İmam Sadiqə (ə) dedim ki, sənə qurban olum, bəzi vaxtlar boynumun ardının tükləri çoxalır və məni bərk narahat edir. Həzrət buyurdu: “Ey İshaq! Bilmirsənmi ki, boyunun ardının tüklərini təraş etmək qəmi aradan aparır?”. (“Əl-Kafi”, 6, səh. 485, hədis 8)

3. İmam Sadiq (ə) buyurur: “Başı əməkömənçi ilə yumaq (insanı) baş ağrısından amanda saxlayır, yoxsulluğu uzaqlaşdırır və başı kəpəkdən təmizləyir”. (“Səvabul-əmal”, səh. 36, hədis 1. “Biharul-ənvar”, c. 76, səh. 86, hədis 1)

4. İmam Sadiq (ə) buyurur: “Ağ tükləri qoparmağın eybi yoxdur, ancaq onları kəsmək qoparmaqdan daha yaxşıdır”. (“Əl-Kafi”, c. 6, səh. 492, hədis 1. “Mən la yəhzəruhul-fəqih”, c.1, səh. 131, hədis 340. “Məkarimul-əxlaq”, c. 1, səh. 160, hədis 442. “Biharul-ənvar”, c. 76, səh. 107, hədis 6)

5. Rəsuli-əkrəm (s) buyurur: “Hər kim saç saxlayırsa, onun baxımına yaxşı diqqət yetirməlidir, əks halda onu qısaltsın”. (“Vəsailuş-şiə”, c. 1, səh. 432, hədis 1)

6. İshaq ibn Əmmar deyir ki, imam Sadiq (ə) mənə buyurdu: “(Başının) Tükünü dibdən qırx ki, onun çirki və onda olan canlılar azalsın, boynun möhkəmlənsin, gözlərin işıqlansın (başqa bir rəvayətdə gəlib: bədənin rahat olsun)”. (Kafi”, c. 6, səh. 484, hədis 2. “Mən la yəhzəruhul-fəqih”, c.1, səh. 129, hədis 325. “Səvabul-əmal”, səh. 41, hədis 1. “Biharul-ənvar”, c. 76, səh. 85, hədis 7)

7. İbn Sinan deyir ki, imam Sadiqdən (ə) saçı uzatmaq barədə soruşdum. Həzrət buyurdu: “Məhəmmədin (s) səhabələri tüklərini qısaldırdılar”. (“Məkarimul-əxlaq”, c. 1, səh. 139, hədis 350. “Əl-Kafi”, c. 6, səh. 485, hədis 6. “Mustətrəfatus-sərair”, səh. 29, hədis 15. “Biharul-ənvar”, c. 76, səh. 91, hədis 14)

8. Rəsuli-əkrəm (s) buyurur: “Saçı çox daramaq vəbanı uzaqlaşdırır, ruzini artırır, cinsi qabiliyyəti gücləndirir”. (“Əl-Kafi”, c. 6, səh. 489, hədis 6. “Səvabul-əmal”, səh. 40, hədis 1. “Biharul-ənvar”, c. 76, səh. 118, hədis 7)

9. İmam Sadiq (ə) buyurur: “Saçı daramaq bəlğəmi aradan aparır”. (“Məkarimul-əxlaq”, c. 1, səh. 167, hədis 480. “Biharul-ənvar”, c. 76, səh. 115, hədis 16”)

10. İmam Sadiq (ə) hindistanlı həkimə buyurdu: “Saç başın yuxarısında yerləşir, çünki onun kökündən beyinə yağlar tökülür və saçların baş tərəfi deşikdir. Buxar oradan bayıra çıxır. Beyinə daxil olan soyuqluq və istilik onunla dəf olur”.

Peyğəmbərin (s) buyurduğu cənnət meyvəsi hansıdır?

Həzrət Peyğəmbər (s) buyurur: Qovun yeməklə orqanizmin meyvəyə olan ehtiyacını ödəyin. Çünki yemiş cənnət meyvələrindəndir.

Həzrət (s) yenə buyurur: Qovun min bərəkət, min rəhmət qərar verilib. Yemiş xəstəliklərin dərmanıdır.

Həzrət (s) buyurur: Qovun suyu rəhmətdir, şirinliyi cənnət şirinliyidir. Yemiş yeyin ki, meyvəyə olan ehtiyacınız təmin olsun.

Həzrət (s) buyurur: Yeməkdən qabaq qovun yemək mədəni yuyur, xəstəliklərin qarşısını alır.

Başqa məqamda buyurur: Qovunui tikə-tikə yeməyin. Onu dişinizə çəkin, çünki bərəkətli meyvədir, pakdır, ağızı təmizləyir, qəlbi müqəddəsləşdirir, dişləri ağardır, Allahın razılığına səbəb olur. Onun ətiri ənbərdən, suyu Kövsər çeşməsindən, ləzzəti cənnət ləzzətlərindəndir.

Çörək otu və ya Qara zirə

 

Çörəkotu və ya Qara Zirə adlanan bu bitki haqqına sibtayn.com saytında belə bir hədis yazılıb:
پیامبر (صلی‌الله علیه و آله و سلم) فرمود:  "ما من داء إلا فی الحبة السوداء منه شفاء إلا السام"
Tərcüməsi: Elə bir dərd yoxdur ki, çörəkotunda  onun şəfası olmasın, ölümdən başqa. Aşağıda verilən hədisin məzmunu demək olar ki, bu hədisə çox yaxındır. Hər halda qara zirənin faydaları müxtəlif informasiya vasitələrində yayımlanıb. Bizim hədəfimiz isə yalnız dini mənbələrlə üst-üstə düşən yazıları hörmətii oxuculuramıza təqdim etməkdir.

Qara zirənin faydaları Qara zirənin faydalı cəhətləri doğrudan da çoxdur. Showlife.az xəbər verir ki, peyğəmbərimizin (s.a.s): “Qara zirədə hər dərdə çarə vardır” sözü, eynilə Uca Allahın: “O öz Rəbbinin əmri ilə hər şeyi məhv edər! (Əhqaf, 46/25.) kəlamına bənzəyir. Yəni, hansı şey ki, məhv olmağa layiqdir, onları məhv edər. Bədəndəki kiçik şişləri, şişkinlikləri aparır, dazlaşmış yerə əkilən tük kökünü inkişaf etdirir, ala-bula xəstəliyini və dörd gündən bir gələn qızdırmanı sağaldır, damarlardakı trombları açır, mədə qazlarını qovur, mədənin digər qalıqlarını qurudub xaric edir. Qara zirə döyülüb toz halına gətirildikdən sonra isti su ilə içilərsə, böyrəklərdə və sidik kisəsində olan daşları əridir. Uzun müddət içildiyi təqdirdə, sidiyi, aybaşı qanını və südü artırır. Sirkə ilə bir yerdə qızdırılıb qarnın üstünə sürtüldükdə tüklərin kökünü məhv edir. Qara zirə döyülüb bir müddət buruna çəkildikdə zökəmi sağaldır (İbn Keyyim el-Cevziyye, Tibbi Nebevi (türk dilində), Hikmet neşriyyatı, İstanbul, səh. 374-375. ) Qara zirə yağı saçqıran xəstəliyə və ziyillərə qarşı müalicə vasitəsi kimi faydalıdır. Su ilə bərabər bir misqal içilərsə, astma və digər nəfəs yolu xəstəliklərə müsbət təsir göstərər. Soyuq baş ağrısı zamanı qara zirə yağından sarğı hazırlayıb başın ağrıyan hissəsinə qoymaq lazımdır. Qara zirə sirkədə qaynadılaraq qarqara edilərsə, soyuqdan ağrıyan dişlərin ağrısının kəsməsinə səbəb olar. üyüdülüb toz halında buruna çəkilərsə, gözün sulanmasının qarşısını alır. Sızanaq və dərisi çatlamış qaşınmalara qarşı təsirli vasitədir. Qara zirə yağı buruna çəkildikdə üz iflicini, yarım misqaldan bir misqala qədər içildikdə isə zəhərli hörümçək dişləməsini sağaldır. Bunlardan başqa, məhz qara zirə insanın immun sistemini möhkəmləndirib, ona enerji və güc verərək, sağlamlığın əvəzolunmaz bərpaçısına çevrilir. Həmçinin qara zirədən əsəb sisteminin xəstəliklərində, mədə xoralarında, mədə-bağırsaq qurdlarında, nizamsız aybaşılarda və hətta xərçəng xəstəliklərində də istifadə edilir. Orqanizmin ümumi möhkəmliyini təmin etmək üçün yeməkdən sonra 1 çay qaşığı qara zirə qəbul etmək məsləhət görülür ki, bu bir günlük norma hesab olunur. Bu norma artırılmamalıdır.

www.showlife.az saytından əxz olunub və qismən əlavələr edilib.

Kökəlməyə və arığlamağa səbəb olan üçlüklər

3 şey kökəldir və 3 şey arığladırır
İmam Sadiq (ə) ələyhis-salam buyurub:
 Üç şey insanı kökəldir və üç şey arığlaşdırır; Kökəldən üç şey: Çox hamama getmək, xoş iyləri iyləmək, yumşaq libas geyinmək.
Və arığladan üç şey: Çox yumurta yemək, balığ və yetişməmiş (dəyməmiş) xurma

 

sibtayn.com