Sİbtəyn Beynəlxalq Müəssİsəsİ

Saqiya eylə kərəm dur meyi minanı gətir
Qoy gözüm üstə qədəm sağəri - söhbanı gətir

Laləzar oldu çəmən üz verib əyyami- bahar
Cami- zərrin ələ al badeyi- hümrani gətir

Qıl əta hüsrəmi gülfam fərəh bəxşü zülal,
Ləlgün abu tərəb rahu müsəffanı gətir.

Qədəhi elə ləbaləb, ver içim məstanə,
Badəyi eşg cənabi- Şəhi- Mərdanı gətir.

Tutiyi nitq göhərbarım açıb durci dəhən,
Bəzm şahanə qurub məclisi- irfanı gətir.

Badbanın çəkib ovcu fələkə fülk xəyal,
Ləngər etməyliyə amadədi dəryanı gətir.

Rayət fikrim olub hər tərəfə şuqqə güşa,
Dövrə qılmaqlıq üçün aləmi- balanı gətir.

Bal zərrin götürüb uçmağa şahinü məğal,
Bir dəm ey təb rəvan başıma sövdanı gətir.

Sədəf nəzm təmamən yetirib dürr yetim,
Qiymətin bilməyə Sərrafi- suxəndani gətir.

Bircə bu məclisə ey saqiyi fərxundə camal,
Şüarayi əcəmu turk Buxaranı gətir.

Ola gər eylə güzər məmləkəti- Şirvanə,
Nəzmdə firqeyi şairlərə Xaqanı gətir.

Söylə Xaqaniyə ey çinü suxən Xaqani,
Ərməğan əldə tutub nəzm durəfşanı gətir.

Unsuri- aləmi- zülmat ənasirdə göz aç,
Vadiyi eymənə gəl, tur təcəllanı gətir.

Qıl xəbərdar Nəvai kimi sahib hünəri,
De tamaşaya tamam əfsəhi- turanı gətir.

Ənvəri- neyyiri- əəzəm kimi nəzmdə munir,
Dürr nisar eyləməyə əqd surəyyanı gətir.

Cam vəhdətdən içən camu cəmi camə deyin,
Açmaya durc fəsahət duri- mərcanı gətir.

Sədiya ism sənin taleyi məsud mənim,
Bərg bibaridi Bustanu, Gülüstanı gətir.

Ey olan Hafizi kənz dürri-şəhvar qəzəl
Yar məşuq nədir huriyi- qılmanı gətir

Ey Nizami demə çox Xosrov ilə Şirindən
İstəsən taxt büsat üstə Süleymanı gətir

Ar ola qüvveyi idrakuvə ey Xaqani
Sən də gəl öz dediyin hərzavü hədyanı gətir

Çox da fəxr eyləmə öz nəzmuvə ey Firdovsi
Sevəsən söz yerinə ləl bədəxşanı gətir

Gəl şücaətlə girək hər ikimiz cəngahə
Mərəz cəngə qədəm qoymağa meydanı gətir

Dörd ağac xar muğilan yetirən buğə mənim
Sən müqabildə yığıb sahəti- dünyanı gətir

Qabiliyyət hanı Ğəbradə müqabil tutasan
Gər qələt eyləməsəm ərş müəllanı gətir

Mən açım rəzmdə bir qanlı ələm şuqqəsini
Ələm Gavə nədir, mehr durəxşanı gətir

Vardi bir məşq mənim saf suyum ab Fərat
Rud Ceyhun demə keç Qilzəmu ümmanı gətir

Mən İqab adlı səmənd üstə qoyum zivəru zin
Sən də öz Rəxşun ilən ərsədə cövlani gətir

Zülfüqar adlı qılınc mən çəkərəm davadə
Gav zərdüz ilə sən Puru Nərimani gətir

Məndə bir sinəsi dörd min yaralı köynək var
Sən təhəmtüyən geyən coş xuftanı gətir

Bəsdi bir qan ilə əlvan olan əmmamə mənə
Sən gedib məğfər fulad mütəllanı gətir

Bəsdi bir qan ilə əlvan olan əmmamə mənə
İstəsən sən dəxi qursi- məhi- tabanı gətir

Bircə şahzadə varımdır toy otağı qurulan
Sən də Keyxosrov ilən taci- dürəfşanı gətir

Mən əl üstündə götürrəm bir uşaq qundağın ».
Gör cəmalin sora get laleyi- hümranı gətir

Leşkərim yetmiş iki teşnə dilavərdi mənim
Sən özün cəmi qılıb leşgər İranı gətir

Aruzu eyləmə hər beytivə dinaru təla
Mən kimi beytivə bir Cənnət Rizvanı gətir

Heyf zəhmət çəkibən bağlamısan Şahnamə
Onda vəsf eylədiyin Rüstəmi- dastanı gətir

Kimdi Rüstəm, nə Fəramərz, nədi Söhrab, nə Kiyo
Bəlkə İsgəndər ilən Bəhməni -Daranı gətir

Nədi İsgəndər Dara, nə salatin Kəyan
Turi Seynayə gedib Həzrət Musanı gətir

Ya yapış Nuh ətəyindən o deyil fulk nicat
Ya çıxıb tarimi çarımdəki İsanı gətir

Ya gəzib səfhəyi dünyani dolan eylə soraq
Misridən təxti ilə Yusif Kənanı gətir

Rəhbərimdir iki dünyada Hüseyn ibn Əli
Gər varın olsa sənin də belə mövlani gətir.

Hardadır səndə mənim tək şərəfu cahu-cəlal
Şivəyi-nəzmidə girəm yədu beyzanı gətir

Ğubhi-fahiş gətirib eyləmisən sərf kəmal
Özün insaf ilə əql üstə bu sevdanı gətir


Həşridə cam bulur əldə tutub Şiri-Xuda
Buyurur teşnədi çox Qumriyi nalanı gətir






Şeirin elektron mətni "kəlam" saytından əxz olunub.

ŞƏRHLƏR

Vebsayt

Başlıq

Yeniləmə

Göndər

ləğv et