Məhbubi Xuda, xosrovi bəxşəndə¹ Əlidir
Dəryayi əta, gövhəri rəxşəndə² Əlidir

Göz tikmiş Əlinin əlinə dideyi aləm
Cənnətdi onun verdiyi kim bəxşişi Hatəm
Heydərdir namaz üstə verən sailə xatəm
Sultani səxi³, rəhbəri zibəndə⁴ Əlidir

İslamidə şəxsiyyəti mümtazidi⁵ mütləq
Simayi dirəxşani⁶ verib xilqətə rövnəq
Hərçəndi başın etdilər mehrabidə münşəqq⁷
Mehrabi ibadətdə gözəl bəndə Əlidir

İsmin də onun ismi-cəlalət qoyub Allah
Qəddində onun dəsti şücaət qoyub Allah
Başinə onun taci vilayət qoyub Allah
Allaha vəli, həqqə nümayəndə Əlidir

Dünyadə yetimlər atası adlanan adil
Rəfətlə verən qüssəli xatirlərə şadi
Şəmşir ilə sərkub eliyən zülmü-fəsadı
Peyğəmbəri islamə bərazəndə⁸ Əlidir

Zeynəbdə təcəlla elədi məntiqi Heydər
Şəni elədi vəqti Məsihiylə müsəxxər
Hər yerdə süxən eylədi ağavü-süxənvər
Mərdüm⁹ belə fikr eylədi quyəndə¹⁰ Əlidir

1.Bağışlayan, hədiyyə verən və s.

2. Parlaq

3. Səxafətli

4. Ləyaqətli

5. Seçilən.

6. Nurlu, işıqlı

7. Vurmaq, yaralamaq

8. Yaraşan, ürəyəyatan

9.Camaat

10. Danişan

Yazının tərtibində tərcümə olunmuş kitablaırn elektron versiyasından istifadə olunub.