قصيدة للشاعر سيد أحمد العباسي بمناسبة يوم المبعث النبوي الشريف

من جان ألرسول بمعبد ألأيمان جان منصبه نبي رب ألكون عالأنسان
وأذا تكلي شوكت مبعث ألمختـــــــار ألمبعث بده من ربك نزل ألقران
ألمبعث يعني ألنبي خاتم أنبياء الكون ويعني ألسفينه بعد ماتحتاج ربان
يعني لازم ألأمه تكمل ألمشـــــــوار وألعلام تقود ألناس للعنـــــــوان
مبعثك نور وهدايه لأمة ألأســــلام وذكراها تمسح عن ألمسلمين أحزان
ياصوت ألحقيقه وصوت كل ألدين بذكراك هذا أليوم تفرح كل ألأديان
جسدت ألمعاني وبلغت ألرساله بزود وحطمت بيدك عالكفر أوثـــــــان
رفعت ألرايه وبيدك ألقـــــــــران وسيف ألحق حررت بيه بلــــــدان
كملت ألرساله وبيدك سلمتها ألحيــد أبن عمك علي سيد ألفرســــــــان
نصبته أمام يوم ألغدير وألشاهد ألحجاج وبأمر ربك وأنت سيد ألأكـوان
للمقدس أسرى بيك رب ألكـــــــون وأعرج بيك للسمه بكل وجــــدان
ربك راد يراوي كل ألنــــــــــــاس أنت ألنبي ألخاتم وألجنت ميـزان
ألخمس صلوات أجت بعد ألأسراء وألمعراج سبب ربك رادها ونيشــان
لأن ربك ثبت عقائد أمته بهاي ولأن بعض ألنفوس بيها أتزعزع ألأيمان
أسرى من مكه ألى بيت ألمقدس بلحظات وهذي معجزة أزمـــــــــــــان
من ألمسجد ألحرام للأقصى بساعتين بكل راحه وأطمأنـــــــــــــــــان
ربك جمع كل ألأنبياء وألرسل هذا اليوم وبالمسجـــــــــــــد أذن ألآذان
وصل ألنبي بالمقدس بنفس أليوم حته يثبت لأمته ألبرهــــــــــــــان
لأن هذي ألكرامه للنبي ألمختــار ماخص بيها غيره من ألأنس وألجان
لآن جان ألبعض من أمته يعاديه نزلت ملايك توجت ألمختار بالتيجان
ألمعجزات عندك وألمكارم دوم وألفضايل روضتك بستــــــــــــــــان
وأنت النور من نور رب ألكون من أمك جابتك نور أنفجر بركـــــان
ومن يوم ألولاده أنخمدت نار فارس وجفت بحيرة ساوه للضميـــــــان
وألأصنام بالكعبه طاحت وتعجبت ألناس وبكسرى طاح أربوتعش أيوان
ومن صرت منذر فرحت ألجنات وأعلنت ألرساله بعلن وألكتمــان
وتبشرت ألوادم بالمصطفه المختارلأن غير ألأنسان من ألشرك للأيمان
ياأعظم نبي ألحير عقول ألناس من علم وعقل وأحكام للأنســـــان
يوم ألمحشر أنت ألنه ألعـــــون وأنت ألتطفي عن ألمؤمن ألنيران

أضف تعليق