. شعر ام هدى الخزاعي
هـــذا المهدي ابباب الزهره ... بيـــده المحسن يسجب عبره
ياباب ابنارج چـــاويني
وعتاب الزهره يـــاذيني
بيده المحسن يسجب عبره
....يابـــاب الـــزهره اتجــاوبني عــن امي الشبعت الآلـم
انطـــق بــامـر الله وخبـــرني عن جرحي الماظن يلتام
ليــش العـــدوان اتولــوها مـــن بعد الهـــادي الظــلام
وشـــلون البســمار ابحـــدك يكسر ضلع من الاسلام
خــــبر هالناس وحاجيني
يابـــاب وردك يعـــنيني
وانت الجرح لماظن يبره ... بيده المحسن يسجب عبره
...يابــاب اشـــلون احتاشـــوهــــا من لاذت يابـاب اشـــلون
يابــاب وياعـــرف اتخـــذو وبحقـــد وغـــل يـــــدخـــلون
يابــاب وياجــف اتعـــدت عالــزهره وبيـــها يـــدفعـــون
يابـــاب وياضلع الكســــرو بســـمارك بيــــه يغــــرزون
من حزنك ماكف اونيني
وبسهمك صابولي اسنيني
وهــذا الموقف گلبي يفطره ... بيده المحسن يسجب عبره
...ون البــاب ويـــاه وونت روح الزهــــره البيــــه اتذوب
حـــرك دمـع الساكن روحه من ضلع الزهره المصيوب
مــــولاي اشـــأحجيلك عنها وثارك بيــــدك يالمحجوب
هذا المحســن شـــاهد دمه فــــوك العتبه وبي مخضوب
من طاحت تصرخ عينيني
يافضه وسگطولي جنيني
وتنظر محسن فوك الغبره ... بيده المحسن يسجب عبره
....من لاذت بيــــه وعصـــروها نـــدبتك مولاي بصــوت
صاحت ياثــار الله ادركنـي ياوليـــدي ونحبت بســكوت
وكل مايعصر روحي وياها تعصرها اجفوف الطاغوت
ومن رص البســمار بحقده شــهكت روحي لحد الموت
يالزهره ادخيلج عذريني
ناديت وريت تسمعيني
وفتحت جرح بگلبي اشكبره ... بيده المحسن يسجب عبره
....ريتـــك حاضر يــــوم الطاحت امــك يـوم الحيل انهار
لزمــت ضــلع المنها مهشــم نــابت بي ســــهم البسمار
وناحــت للمحســن ومصــابه لتخضــب بعتـــاب الــدار
حظــنته وندبتـــك بيـــها وكل دمعـــه تحشــــمك بالثـار
ريتك هالساعه اتلاگيني
نادتـــك وبهمي اتجيني
ومن كل ظالم كسري تجبره ... بيده المحسن يسجب عبره
....بيــــن البــاب ودمـــع المهدي اتعالت عالزهره الونات
وبعـــده الباب يســـولف عنـها وبگلبه اتشـــب العبرات
انا البـــاب البت الهــــادي وبعتـــابي اتشــــرفت الايات
انا المني امـــلاك اتعـدت تحرگني اجفــــوف النجسات
بنيران الحقد امشوهيني
وشاهد كل حاله مخليني
بعتاب العتره اتشب جمره ... بيده المحسن يسجب عبره
....حرگـــو روحي وشـــبو نــاري من شفت الاطفال تنوح
وبيهـــم حـــارت بت الهـــادي وين امن النيـــران تروح
زينب لــزمت ثوب الزهــره والمدمـع عالخــد مســفوح
من ذاك اليـــوم وهـــالمنظر خلــف بالتـــاريخ اجـروح
ومن ذاك اليوم امــوجريني
وبجفــــك ريت اتطــفيني
من نيران احزاني الگــبره ... بيده المحسن يسجب عبره
....نــادى المهــدي وگلبه موجـــر لابد يـــأذن ربي بيــوم
واعـــلن ثاراتي وافنيـــها واجبر ضـــلع امي المهشوم
هذا المحســـن بيـــدي وثاره يعــــلن وي ثار المفـطوم
ورايات الثــــار الاعلنـــها بيها اشــــعار الحزن ادموم
من يومي امحدد تكويني
لثارات الدين امعينيني
ونادى بصوت الحزن يفسره .... بيده المحسن يسجب عبره

أضف تعليق