يــم الــبـاب صــوت انســمعه
و
صاحت ياعلي ادركني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
البيت ام الحسن مرنـه الحزن مره ** وبـاب الـدار الــقينـه عليــه نــظره
بـي شفــنه أثـــر للدفعه والـعصره ** لمَن خلفه عصرو فاطمــه الزهره
يابو حسـين تــندب حيدر
ابدفع الباب ظلعي اتكسر
اصـيح ومـا تجــاوبني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
صح البيــت بـي جــدرانه حايـطته ** وبابـه السـاتر اهـله واهله واضعته
وسفه النــاس باب الزهــره دافـعته ** وظلع ام الحسن بالعصره كاسـرته
هاي الدار ما راعوهه
والبــالدار ليش اذوهه
نادت ياهــو يرحمني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
الدنيه اتنوح كلهه وتجري دمعـتهه ** حيــن ام الـحسن تسـمع مصيـبتهه
اذا حتى الصخر ون اعـله ونــتهه ** تفسـر گـلوب بنـت الهادي حـالتهه
تجري دموع دمع الناظر
تتــمنــاه الــوالــد حــاظر
تگــله بويــه كــلمني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
الجسم لو بيه كسر يتشافه من كسره ** والگــلبه انكسـر من يگــدر ايجبره
خفنه لا علي يـنظر علــى الســطره ** ويشوف بعينه عين ام الحسن حمره
اتدير العين عـن واليـهه
اتخاف الحيد ينظر ليهه
شجاوب مـن يناشــدني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
يابــاب الوديــعه نســألك جــينه ** بمكان العصره انــت بالله دلـينه
وبسمار الصدر خبرنه چــاوينه ** الباب ايصيح هذا وبيه براهيـنه
يابســمار المــن هالـدم
عـن الصــار ماتــتكلم
ينادي الطـاغي صوبني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
عيـون الطاهره محمره شفــناهه ** وعلـى خدهه أثـر ظربه لمحناهه
شنهــو البيـــچ خبرينـه سئلــناهه ** بچت من البچــي احنه عرفـناهه
هاي النار من شبوهه
اباب الـدار ماطـفوهه
تظـل للتالي تحـرگني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
گــالت بالصـبر ياحــيدر اتــحله ** لمن جسمي تريــد ابمدفنه اتنزله
الچــفن يابالحسن ماريـدك اتحله ** خفت اتشوفه خدي ودمعك اتهله
من اتشوف عينك خــدي
خاف اتموت انته بلحدي
بعيـنك لاتنــاظــرني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ
وَصت خفـيه يابو الحمله شيعــني ** بــســواد الليــل لمــن انــه تدفــني
الگبري الي بغض ماريــده يندلني ** اريــدك ياعلي هــسه تـــواعــدني
لا مـاريــد ينـــدلوني
تعرف زين بالاذوني
الأمر تدريــبه تعـبني ****الـغدر بسـماره ألمــني
وهــذا الصــوت صــوت البــظعه
ــــــــــــــــــــــــــــــــــــــــــــــــــ ـــــــــــــــــــــ

خادم اهل البيت حيدر تركي الكربلائي

أضف تعليق