ْ

وحــيـــده لاتـخــليـنــي وحــيــده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ
توهـه فتحت عالـدنيه إنــه عيني ** للخمــسه تـــره ماكملـت سنـيني
شلون بـهالسهـوله يـمه تجفــيني ** مافكــرتي بيــه مــن يــواسـيـني
اسئل .. اسئل ليش غـبتي
اسئل .. وبيــه ماســئلـتي
اعـيـده هـالكــلام اعليــچ اعيــده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ
كلمه بخاطري واستمعي هالكــلمه ** طبــع كــل إم ابنهــه بالدفــه اتلـمه
بين ايديـهه يغــفه ومنحره اتشــمه ** وإنه منهو اليضمني الصدره يايمه
اصرخ .. اصرخ يالحنينه
اصرخ .. يايــوم وتجــينه
والمــفارگ يظــل هـــذا نشـــيده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ
الأم هــيه البنـــتهه تســأل اعليــهه ** واذا طارء حدث من عنده تحميهه
أنه المـن اروح وبلوتــي اشكــيهه ** بعد عيناچ ياهـــي الالتــجي ليـهه
همي .. همي في حياتي
همي .. اتمــنه مــماتـي
اشــتظــنين بحياتي هــم سعيـده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ
ارتحل چف الحنان الي يلامسني ** لو مرتني شده بعطفـه يـحرسني
عليه اسئل زماني ويــنه خبـرني ** حنان امـي الزچــیه ولاتحــيرني
عيني .. والعين ودمعــهه
عيني .. ونت من سمعهه
بـُعــدچ للگـــلب يمـــه يبـــيده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ
بخيالي موقف وحافظته إنه بزغري ** من انـروح چنـــه عــد گبر جـــدي
حين اجــري الدمع جفچ مسح خدي ** ليه خل نـمشي يمه بــس الــي ردي
همي .. همـي بالمـحنه
همي .. الهم گلبي تبنه
البُــعد دلالي كــم محنـــه يــزيده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ
لاترحــيــن يــمه بالله تانـيــني ** بعــد عيناچ ونــارالمحنه تلــفــيني
بيــوم الطف تمنيـــتچ تحظريني ** وحـــدي بالمعــاره لا تـخــليــني
انظر .. انظر يسره يمـنه
انظر .. ماظل والي عدنه
اخويه حسين يـتركني وعضيده ـ ـ ـ ـ زغيره وعطفچ بكل لحظه اريده
ــــــــــــــــــــــــــــــــــــــــــــــــــ ـــــــــ

خادم اهل البيت حيدر تركي الكربلائي

أضف تعليق