شعر د- كاظم جاسب المعقلي
* * * * * *
مدرستنا احسين نِعم المدرسه بيها نتعلم درس وندرِّسه
* * * * * * * * *
بـيــها نـتعـلـم مـضـامـين الـدروس اشلون نبني المجد ونربي النفوس
اشلون جدم الحك على الباطل يدوس وهذا درس حسين هيهات اننسه
* * * * * * * * *
هذا درس احسين بيه ســـر الوجود بحر زاخر علم متحيطه الحدود
خالد اويه الكون بيه معـنى الخـلود جامعه وبيها العلوم امكد ســــــه
* * * * * * * * *
جامعه وبيها الـفـقه بـيها الاصــول والعميد المصطفى الهادي الرسول
وبـيـها ريــس قسـم صياد الفحــول والمقرر فاطــمـه خيــر النســـــه
* * * * * * * * *
المــقرر فاطـــمه بلوح العـــــــرش هايه بالحق جامعه المابيها غــش
وبيها اليدرســــوننا اطهار اثنعــش ومشرفين اعلى الدرس اهل الكسا
* * * * * * * * *
مشـرفين اعلى الدرس اهـل العـبا وما يسجل بيها غير اهـل الابــا
سهل درس احسين بس يامصعبه واللي يعـبر بأمـتـحانه ايونـســـــه
* * * * * * * * *
اللي يـعـبر بأمـتحانـه أيـحـفـِّــزه ايسـجـِّلونــه اويه العـباد الفائزه
ومن مـحـمد ياخـذ اكبـــر جائزه ابساعه بيها اهل الذنوب امعـبسه
* * * * * * * *
ساعه بيها الكل ذهـول امحـيـره تـنطـلب منك وثـيـقه امـصــدره
بيها ماضي احسين وبخط حيدره ميه ماخذ والوثيقه امقدســــــــــه
* * * * * * * * *
ميه ماخـذ بالـدروس الاربعـــــه مـيـه في حـب الحسين ومـنـبعـه
وميه تخدم ميه تبجي المصرعه وميه تـنهج نهجه مصباح اومسـه