كلمات الشاعر : علي عويز الشويلي - هيئة الزهراء , الكوفة العلوية
خادم يبلغ خادم
علمو الجيل القادم
شيخ الوجود الكاظم
اندبه يحمينه
انطلبه ينطينه
……………… .
ياقوته مبخوته شباچك آخر سمه
عنواني سلطاني والحاكم للعاصمه
إلاوصافك للطافك ممنونين إلفاطمه
بحر بحر ياجودك…
زواره خطاره إملاگينه ابيامرحبا
منجينا محيينا جامعنه ابحب مركبا
أحبابه من بابه تستنشق ريح الصبا
دار الفلك على مودك
ذهب انت الذهب
عجب انت العجب
معلم للإدب…
موسى ابن جعفر
يمغني سائلك
يمعطي ماملك
الكرم مخلوق الك
موسى ابن جعفر
جالس يضل كالعادة
فوق عرش بغداده
حي الله زود الساده
موته يحينا. نطلبا ينطينا
………… .
انسابك القابك مرتفعه على السحب
يانعمه ويانسمه وبروده علئ الگلب
ولصحنك من ندخل للجنه كأن نطب
درب درب للجنه
ياكوثر ياجوهر ياشامخ علئ الخلق
يادائم يا حاكم عالغرب وعلى الشرق
في دربك في حبك وفقني خل اخترق
إلك إلك أتعنه
مشينالك درب
گلب لازم گلب
يموطن للغرب
موسى ابن جعفر
نعم منك نعم
ختم للحب ختم
أجل واطهر اسم
موسى ابن جعفر
جيبو الحاجه إلتعصي
يم ابن جعفر تگضي
شتريد اطلب ينطي
هو حادينا. نطلبا ينطينا
……… .
مشكلتك قالقتك من عنده ابحلها ترد
ماعندك ذرية لا تحزن ستنسعد
مو واحد ابوطلبه من يرزقك عشر ولد
رزق رزق رباني
قرآني الرحماني وترتيله دمع دمع
واللطمه على هضمه محسوبه وتر شفع
مالاطم للكاظم لا تبزغ لا ترتفع
طقس طقس ايماني
يميزان الفخر
يأحداق النظر
رفيقي ابكل سفر
موسى ابن جعفر
يبعد امي وهلي
وكهف لليبتلي
شكثر فازع إلي
موسى ابن جعفر
جود وكرم ومروه
ابكلهن الاول هوه
راعي المنارة الحلوه
موته يحينا. نطلبا ينطينا
………
عالخادم ياموسى من گلبك ماكو أحن
عالگبه المينونه صلتلك عشگ عدن
الفزعه والغيرة والهيبه منك بدن
ذخر ذخر للشيعة
ياواحد ياماجد أسمائك مدري شكثر
سجانك ماهانك بل هنته صبر صبر
بأغلالك وإجلاك ساطرهم علخد سطر
ملك ملك ونطيعه
مناقب مفخره
امان اشمكثره
ضلع من حيدرا
موسى ابن جعفر
سليل اهل العزم
ضوه عيونه النجم
أمير اعله الزلم
موسى ابن جعفر
للزهره كوكب سادس
للكون واگف حارس
حته ابسجنهم فارس
بكل امانينا.. نطلبا ينطينا
علي عويز الشويلي
بمناسبة ذكرى إستشهاد أم أبيها المدافعة عن خندق الولاية و الإمامة فاطمة الزهراء (سلام الله عليها)
لأي
Hi! Click one of our representatives below to chat on WhatsApp or send us email to [email protected]