Məqalələr
Xanım Zeynəbin (s.ə.) vəfat günü
- Ətraflı
- Baxış sayı: 796
Kərbəla qəhrəmanı Xanım Zeynəbin (s.ə.) vəfat günüdür. Həzrət Əli (ə) və Xanım Fatimə (s.ə)-nın qızı Xanım Zeynəbi-Kubra (ə) hicrətin 5-ci ili Cəmadiul-əvvəl ayının 5-də anadan olub. Mənası «atasının zinəti» olan Zeynəb adını ona babası Məhəmməd Peyğəmbər (s) verib. Xanım Zeynəb hicri-qəməri tarixinin 63-cü ilində, Rəcəb ayının 15-ci günü dünyasını dəyişib.
Məhz Rəcəb ayının 15-də əzəməti və şücaəti qarşısında zəmanəsinin və vəfatından illər ötdükdən sonra yaşayan ərənlərinin baş əydikləri İnsan bu dünyanın çirkinliklərindən, xəyanətlərindən, zülmlərindən, ədalətsizliklərindən küsərək Allahına qovuşdu, babası Peyğəmbərin (s), atası Əlinin (ə), qardaşları Həsən (ə) və Hüseynin (ə) məskən saldığı əbədiyyət yurduna pərvaz etdi.
Xanım Zeynəb haqda çox yazılıb, çox araşdırmalar aparılıb. Bu hüznlü tarixi uzun-uzadı təkrarlara ehtiyac yoxdur. Sadəcə olaraq Xanımın ömrünün ən ağrılı anında, Kərbəla çölündə baş verən faciədə misilsiz şücaət nişanəsinin davranışına nəzər yetirək.
Ən yaxınlarını bir gündə, Aşura günündə itirən Xanım sınmadı. İmam Səccadın (ə) boynuna düşən, lakin xəstəliyi üzündən yerinə yetirə bilmədiyi vəzifələri də o öz boynuna çəkdi, Peyğəmbər nəslinə, Əlinin (ə) ardıclılarının başçılıq etmək missiyasını üzərinə götürdü. Öhdəsindən də gəldi. Zülmün, zülmkarın ifşasında bir addım da geri çəkilmədi. Xanım Zeynəbin Aşura günündən sonrakı həyatı, İmam Hüseyn (ə) və tərəfdarlarının Kərbəla çölündə şəhidliyə qovuşmaq üçün tələb olunan qəhrəmanlıqdan az şücaət tələb etmirdi.
Yezidin Kufə şəhərinə vali təyin etdiyi ibn Ziyad əsirləri görüb Xanım Zeynəbə (s.ə) dedi: «Gördünmü Allah qardaşın Hüseynin (ə) başına nə oyun gətirdi, onu nə günə qoydu?»
Bu sözün qarşısında vücudları lərzəyə gətirən və insanın düşüncəsini heyrətdən donduran bir cümlə, tarixə qızıl hərflərlə düşən kəlam səslənir: «Mən gözəllikdən başqa bir şey görmədim!»
Bu gün Xanım Zeynəb (s.ə.) şəxsiyyətinin, onun həyatının öyrənilməsinə Azərbaycanımızın çox ehtiyacı var. Torpaqlarımız düşmən tapdağı altında inləyir. Onları azad etməyə ərənlər gərəkdir. Bu ərənləri döyüşə göndərməyə isə Zeynəb (s.ə.) qeyrəti analara, bacılara, həyat yoldaşlarına ehtiyac var. Zeynəb (s.ə.) nümunəsini, Zeynəb (s.ə.) məktəbini yaşatmaq gərəkdir. Əlbəttə ki, bir xalq olaraq zillətdə yaşamaq istəmiriksə.
Xanım Zeynəb (s.ə.) Aşura günü, Kərbəla çölündə İslamı ümmətini başsız qalmağa qoymadı. Qorudu, mühafizə etdi, imamətə seçilən imam Səccada təhvil verdi və... dünyasını dəyişdi. Bu gün, bu hüznlü gündə bütün müsəlmanlara “başınız sağ olsun!” deyirik.
Fürsətlər buludlar kimi ötüb gedər. Rəcəb ayının fürsətlərindən qafil olmayaq
- Ətraflı
- Baxış sayı: 804
Rəcəb ayı – o xüsusi zamanlardandır ki, rəhmətlə doludur. İnsanların qarşısına çoxlu fürsətlər qoyulur ki, bacardıqları qədər İlahi rəhmətdən daha çox faydalansınlar. Məsumlarımız (ə) bu ayda çoxlu istiğfar etməyi, oruc tutmağı, saleh əməllər yerinə yetirməyi, Allahı çoxlu zikr etməyi tövsiyə edirlər.
Allah Təala Qüdsi hədislərin birində Rəcəbi Özü ilə bəndələri arasında olan möhkəm kəndir adlandırmışdır. Hər kim ona çəng vurar, İlahi vüsala çatar. Bu ayda oruc tutanlar üçün çox sayda fəzilət zikr edilmişdir. O cümlədən: qəbir əzabının aradan qalxması, min ilin ibadətinə bərabər olması, cəhənnəmim qapılarının bağlanması, can verməyin çətinliyindən azad olmaq, Siratdan rahat keçmək, behiştdə bu insanlar üçün xüsusi yerin nəzərdə tutulması və cəhənnəmdən uzaq olmaq – bu ayda oruc tutanların malik olacaqları əcrlərdən bir neçəsidir.
Həzrət Peyğəmbər (s) buyurur: “Behiştdə qəsr vardır ki, Rəcəb ayının oruc tutanlarından savayı heç kəs ora daxil olmaz”.
Beləliklə görmək olur ki, insanın başqa aylarda tutduğu orucun fəziləti ilə bu mübarək aylarda tutduğu orucun fəzilətləri arasında çox fərq vardır. Ona görə də onu qənimət bilib, bəhrələnmək lazımdır.
Allahdan bağışlanma istəmək – hər bir zaman və məkanda mömin bəndə üçün zəruri mövzulardandır. İnsan öz təqsirlərinə və xatalarına diqqət edərək, Allaha üz tutar və bağışlanma istəyər. Bu ayda edilən tövbələrin də xüsusi təsiri vardır. Həzrət Peyğəmbər (s) bu haqda buyurur: “Hər kim Rəcəb ayında bu zikri yüz dəfə deyərsə: “Əstəğfirullahəl - ləzi lə iləhə illə huvə vəhdəhu lə şərikə ləhu və ətubu iləyh” və sədəqə verərək bu ayı sona çatdırarsa, yüz şəhidin savabına malik olar. Əgər Rəcəb ayında dünyadan gedərsə, Allah ondan razı olar”.
Bu ay – o xüsusi zamanlardandır ki, dualar göyə qalxar və hacətlər yerinə yetər. Bu, elə fürsətlərdir ki, tez bir zamanda gəlib gedər. Ona görə də onu dəyərləndirmək lazımdır. Əmirəl-möminin (ə) buyurur: “Fürsətlər buludların ötməsi kimi ötüb gedər. Ona görə də xeyirli fürsətlərdən bəhrələnin”.
Rəcəb ayında namazın təqibatında oxunan dua
- Ətraflı
- Baxış sayı: 2185
| Rəcəb ayında namazın təqibatı duası | |
| dinlə | yüklə |
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser. |
 |
Mübarək "rəcəb" ayı haqqında
- Ətraflı
- Baxış sayı: 6344
Bilmək lazımdır ki, Rəcəb, Şəban və Ramazan ayları şərəf və üstünlükdə başqa aylardan tamamilə fərqlənir və bu ayların fəzilət və üstünlüyü kamildir. Onların fəziləti barədə saysız-hesabsız hədislər vardır.
Peyğəmbərimiz buyurmuşdur: “Rəcəb ayı, Allahın böyük ayıdır, heç bir ay ehtiram və fəzilətdə ona çatmaz. Bu ayda müharibə etmək haramdır. Rəcəb Allah ayı, Şəban mənim ayım və Ramazan ayı ümmətimin ayıdır. Hər kəs Rəcəb ayında bir gün oruc tutarsa, uca Allahın razılığını qazanmış, Allahın qəzəbi ondan uzaqlaşmış, cəhənnnəm qapılarından biri onun üzünə bağlanmışdır”.
