ياعلي يابو الحسن شوف زينب بلمحن
شوف وياها العلــيل
والضعن حيدر يميل
#####################
ياعلي وهاي العقيله مخدره مدللت عباس ومهه الطاهره
وهاي جدهه المصطفى خير الوره وفاركته بهظم سبع الكنطره
من العده تسمع حجي
سارت بنوح وبجي
وذايب بظيم الدليل والضعن حيدر يميل
#####################
والضعن لوما ل ياهو يرجعه والجمال اعجاف خويه مفرعه
خويه انه ترجاك راعي المشرعه والعليل بنوح سايل مدمعه
مدمعه سايل دمــــــوم
خويه بالبر والسموم
أه من دمع اليسيل والضعن حيدر يميل
####################


كربله يحسين صارت من دمه وطاحت اركان المتينه القائمه
وشفت يم جسمك اجتلك فاطمه ونحنت ام الحسين وتلثمه
نادت وكيف النـــــداء
ماجت بحركه السماء
ربي الوجهك قليل والضعن حيدر يميل
####################
وكوه حيدر شالهه من جثته ومن بعيد بشجن تسمع ونته
وشافته الحوراء كيف تلكته بويه شوف حسين حزو ركبته
شافته وصاحت علي
بويه راحت كل هلي
وعلنهر ذاك الجفيل والضعن حيدر يميل
###################
بويه شوف الجافل براسه رمح بويه بل عباس كلبي منجرح
شمانكول عليك مايكفي المدح انته وجهك كمر عباس السمح
يبو فاضل ياحلــــيم
والدك اعظم عظيم
ويه الحرم صار الدليل والضعن حيدر يميل
####################
الشاعر الحسيني
محمد الإبراهيمي

أضف تعليق