• +98 25 3770 33 30
  • عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

قصيدة للشاعر المبدع نائل المظفر في حق الحسين (ع)

 


ماوصل شيعي أمس يدفن حسين - طلعت الأعراب سكته ودفنته
وهسه كل الناس تبجي له وتنوح - ومن شمال الصين وادم زارته
يالتزور حسين إصبر لاتزور - إقره ليش حسين قامت ثورته
حتى من تنزل دمعتك عالحسين - تعرف شكَد الثواب بدمعته
تدري ليش الميت ايعصره القبر؟ - وتدري شيصيح القبر في ميته؟
خاف حابس دمعة في حق الحسين - اليوم تطلع من ظفر سبابته
وحتى تعرف منك شرايد حسين - مو تزوره وأنت جاهل غايته
حسين رايد روح تنهض بالضريح - مو تحط دينار ماهو بحاجته
روح علق قلبك اباب الحسين - وشيل كل هاي الذهب من حضرته
حسين مامحتاج حكَ قبة ذهب - الذهب محتاجه راح إلقبته
والناس لو تدري الذهب قصد الحسين - جان مانصرت يزيد وخانته
وياهو كَال الشيعة فقدت جم حسين - وياهو كَال هوايه وادم تبعته
صاح صوت امن السما بمقتل حسين - وبعده لسه يصيح محد سكته
من ذبحتوا احيسن بكيتو الشمس - بس خيال حسين يشتم الهوى
ومن بكت عين الشمس ضوٌى الظلام - وكلشي صار اخيال واحسين الضوى
أقنعتكم كلها طيحها الحسين - الثورة ماخلٌت وجه ماكشفته
وحرتو شتلبسون سيدكم يزيد - وهيٌَ كل الشيعه عرفت صورته
ومن فضحكم نور سيدنا الحسين - سيوفكم للراس راحت كَصته
وتالي حرتو, ماخفى راس الحسين - وفوق راس حسين ضوٌت جثته
ومن فشلكم شلتوا راسه اعلى الرماح - وقلتو راس احسين نزلت قيمته
ما تِنَزل أرماحكم راس الحسين - بالعكس عالروس كلهن علٌته
ثبتت الكفار فوزك ياحسين - والجرى بصفين بالطف عادته
بس فرق شلٌت يزيد بكربلاء - مالكَت قرآن, راسك شالته
وبكَت جثت احسين تضوي اعلى التراب - وانتقل نور الحسين ابتربته
وهسٌه كلمن يسجد ابتربة حسين - تنزل الجنٌة تختمه بكَصته
وانتو بيكم بيٌنت شارت حسين - وماعلينه شلون بيٌن شارته
المهم فوزين فزنا احنا بحسين - فوز حبٌه وفوز فضل زيارته
الله يحسب حجة وحدة بكل سنة - للسبع مرات طاف ابكعبته
واحنا لو رحنا مشي نزور الحسين - نمشي كل خطوة تعادل حجته
وياهو قال الشيعة ماعدها عقل - راحت إلنهر الفرات ولامته
لأن ملجومين نعتب عالفرات - إحنا ندري حسين ماهو ابعازته
حسين لو رايد صدق ماي الفرات - جان ماضكه العطش يم ضفته
وجا روى العباس من دمه الشريف - وجا كطع دابر يزيد وشلته
وجا ولا واحد شرب ماي السبيل - وجاتموت امن العطش كل شيعته
حسين لو مامعتني ورايد يموت - جان ميَة باب فك إلعبرته
حسين مايقدر يفك ماي الفرات! - وموسى شك النيل شك إبعصته
حسين أبو السجاد شايل ذوالفقار- يعني لو طكَ الفرات يشتته
وجان مايضرب سهم عنق الرضيع - وجان ما حلى السمه بدم رقبته
وجان ماضل جون يضوي اعلى التراب - ولاتعطرت كربلاء ابريحته
ولا يتوب الحر على إيد الحسين - ولاثٍبَت للناس فوزه ابتوبته
وجان كله الدين طاح اويالحسين - ومابقه العباس رافع رايته
راية العباس مارادت تطيح - لكن إنقطعت يساره ويمنته
وطاحت جفوف القمر فوك التراب - وطاحت الراية اعلى جفه وباسته
باسته ورادت تمس خد التراب - وكَام جفه إلوحده وكض رايته
سيدي العانينته من شلة يزيد - فوقه عشر اضعاف زينب عانته
فوق قبرك وقفت وصاحت حسين - خويه ماقاسيت مااختك قاسته
من طحت يحسين ماشفت الحسين - شلون حدوات الحوافر داسته
وماشفت بشعت ذبحتك من قفاك - والرماح شلون راسك شالته
وماشفتني شلون جروني اليهود - وإبنك السجاد حرقوا خيمته
وماشفت يحسين من يضحك يزيد - وبالرمح عالقاع راسك ثبته
شلون مانبجي وندك لجل الحسين - وكل سنة بعاشور ننصب مأتمه
إنكسر ظهر الكون من طاح الحسين - والجبال إمن اللطم متثلمه
ولنَ ماكو جفوف وتدكَ النجوم - تنهدك عالقاع وترد للسمه
تدري شنهي المعجزة بلطم الحسين؟ - ماتموت الناس لو تمطر دمه
ويا كل جف يرتفع يوقف ملاك - اشما يدق الشيعي صدره يقدمه
وعدنا بالشيعة زلم لولا الملاك - جا صدرها بضربة وحده اتهشمه
روح للمذبح تلاحظ كل ذبيح - يلاوي بالقصاب من قد حرقته
والذبيحة من نذرناها إلحسين - لزمت الساطور هي وحدته
الشاعر: نائل المظفر


أضف تعليق

كود امني
تحديث

مؤسسة السبطين عليهما السلام

loading...
أخبار المؤسسة
إصدارات
حول المؤسسة
loading...
المرئيات
رمضان
الأدعية
المحاضرات
الصور

مشاهدة الكل

telegram ersali arinsta ar

30 رمضان

وفاة الخليفة العباسي الناصر لدين الله

المزید...

23 رمضان

نزول القرآن الكريم

المزید...

21 رمضان

1-  شهيد المحراب(عليه السلام). 2- بيعة الامام الحسن(عليه السلام). ...

المزید...

20 رمضان

فتح مكّة

المزید...

19 رمضان

جرح أميرالمؤمنين (عليه السلام)

المزید...

17 رمضان

1 -  الاسراء و المعراج . 2 - غزوة بدر الكبرى. 3 - وفاة عائشة. 4 - بناء مسجد جمكران بأمر الامام المهد...

المزید...

15 رمضان

1 - ولادة الامام الثاني الامام الحسن المجتبى (ع) 2 - بعث مسلم بن عقيل الى الكوفة . 3 - شهادة ذوالنفس الزكية ...

المزید...

14 رمضان

شهادة المختار ابن ابي عبيدة الثقفي

المزید...

13 رمضان

هلاك الحجّاج بن يوسف الثقفي

المزید...

12 رمضان

المؤاخاة بين المهاجرين و الانصار

المزید...

10 رمضان

1- وفاة السيدة خديجة الكبرى سلام الله عليها. 2- رسائل أهل الكوفة إلى الامام الحسين عليه السلام . ...

المزید...

6 رمضان

ولاية العهد للامام الرضا (ع)

المزید...

4 رمضان

موت زياد بن ابيه والي البصرة

المزید...

1 رمضان

موت مروان بن الحكم

المزید...
012345678910111213
سيرة العلماء
تطبيق اندرويد لكتاب العروة الوثقی والتعليقات عليها
مكتبة أنيس
ثبّت سؤالك هنا
العروة الوثقى
Sibtayn International Foundation
Tel: +98 25 37703330 Fax: +98 25 37706238 Email : sibtayn[at]sibtayn.com
© 2024 Sibtayn International Foundation. All Rights Reserved.

Hi! Click one of our representatives below to chat on WhatsApp or send us email to [email protected]

الإتصال بنا
Close and go back to page